Fordi det er jo nettopp det du las over her, som er hovedgrunnen til at eg no slår meg opp som bloggar. Me er her på oppdrag om å normalisere andre, mindre vanlege levesett, og for å vise deg korleis du kan leve ditt draumeliv. Det er ikkje nødt til å vere slik som vårt, der me har pakka ned alt me har, og flytta 4 menneskjer i ein trang, liten bubil for å bruke opp alle sparepengane våre på ein reise for livet.... Det kan vere at du ønskjer meir tid til å bruke som du vil, redusere stillingsprosenten din, starte for deg sjølv, bedrive heimeundervisning på barna, eller ikkje ha barna i bhg men ha mulighet til å ha dei heime før skulestart, det kan vere at du rett og slett berre vil ut av status-jaget og leve meir i nuet. Moglegheitane er så utruleg mange, og det er faktisk heilt opp til deg, kva for eit liv og levesett du vil ha.

Det fins faktisk fleire måtar å leve eit liv på enn den vanlege a4 måten som me alle kjenner til, og som dei aller fleste lever i dag.

Me levde jo òg slik, leeenge, til det plutseleg sa stopp og det bokstaveleg talt ikkje gjekk meir. Det her livet som kun bestod av jobb, nokre stakkarslege få timar i lag med ungane, og kanskje litt søvn, før ein stod opp og repeterte samme dagen om igjen. Det berømte hamsterhjulet. Meir om vår historie og grunn til kvifor me følte me måtte ut av det, kjem i eit seinare innlegg.  

Hei, forresten! Det er Stine her som sit å skriv til deg. Det er eg som skal drifte denne bloggen og det er òg eg som driftar instagramkontoen vår @sirkusstrandos. Du har kanskje vore der? Viss ikkje, følg oss gjerne der for meire og fleire oppdateringar om dette galne og veldig ansleise livet vårt.

Det har vore nokre veldig travle og heftige veker sidan me forlot landet 1 april, og me har brukt litt tid på å bli vandt til vårt nye liv på vegen, heimeskule, jobb langs vegen, køyring, næringsmelding som skulle inn, bygge nettside etc, og det har ikkje vore berre, berre då alt har vore nytt og skulle skje på ein gong. Så bloggen har derfor latt vente på seg.

Eg har ikkje laga nokon plan enda på kor ofte eg kjem til å legge ut blogginnlegg, men det kjem. Meld deg på nyhetsbrevet vårt, så vil du få litt oppdateringar der innimellom blogginnlegg, og i tillegg blir du også varsla der når det kjem noko nytt.

Her på bloggen vil me dele alle erfaringar me har gjort oss fram mot tur, og kva erfaringar me gjer oss på tur. Så her vil du få eit godt og ærleg innblikk i korleis eit «uvanleg» familieliv kan sjå ut. I tillegg vil du få mykje reisetips, bubiltips, worldschooling, reise på budsjett, bucketlist-reising, og mykje anna. Masse snacks å få med seg vidare framover altså.

Såå utruleg kjekt at du heng med oss på tur forresten, gje oss gjerne tilbakemeldingar om det er noko du lurar på, ris/ros eller om det er eit tema du har lyst at me skal ta opp.

Ok, det var det!

‍