Etter å ha runda Danmark, og nordlege delar av Tyskland, kom me heim til Jølster for ein liten restart. Her ville ungane gå på skulen ila dei 14 dagane me var her, og eg jobba i salongen for å hjelpe til med å avlaste i konfirmasjon og 17-mai rushet. I tillegg gjorde me litt endringar på bilen, me monterte på meir sikkerhetsutstyr, me pakka om att på kleda, la att dei kleda som ikkje var brukt bortsett frå sommarkle, og hang opp litt meir hyller og knaggar for å gjere bilen meir praktisk.

Konfirmasjonen kom og gjekk, og no var det jo blitt sommar både i Norge og Europa, så rett før 17 mai, vendte me snuta nedover igjen, og no skulle me faktisk ikkje heim att på lenge.

Me var blitt einige om å gje turen ein kjangs no i sommar, fordi no kan det jo egentleg berre gå oppover. Veret var bra og temperaturane likedan, og da blir alt så mykje enklare. Da kan me jo vere meir ute og, det er jo ikkje like gøy når det bøttar ned i dagesvis.

Me har vore i Danmark, Tyskland, Sverige, Finland, Estland, Latvia, Litauen og Polen.

Me forelska oss slik i Estland, at me vart der 14 dagar ekstra, så no er me litt på etterskudd.

I tillegg måtte me vere litt ekstra i Latvia, fordi der fekk me fint besøk av eit sett med besteforeldre, og det var veldig stas for alle saman!

SÅ, for å prøve å rekke over alt, blir me nødt å stå over Tsjekkia denne gong ( der har me vore før ), og no peisar me oss nedover så fort som me kan.

Me har i tillegg litt motorproblem, som mange av dokke som følgjer oss på instagram veit. Dette fekk me i Estland, og me skal få fiksa det i Romania. Så me prøvar å kjappe oss så seint som me kan, fordi det er jo så masse og oppleve i tillegg!

Så tilbake til spørsmålet da, korleis har me det?

Me har det travelt, me har det fint, me har mange oppturar og mange nedturar, me har fine dagar og dårlege dagar, me har jo faktisk kvardagen med oss på tur. Den måtte faktisk bli med den og, det gjekk ikkje an å legge den igjen når me skal reise så lenge. Og veit du kva, det er heilt greitt og veldig fint, fordi er det noko som er konstant oppi heile dette uvandte, flakkerande, ustabile og ukontrollerbare reiselivet vårt, så er det kvardagslivet. Det blir ikkje det samme som når ein reiser på ferie, fordi det er noko heilt anna enn det me bedriv. Me er ikkje på ferie, me har kvardagsliv på tur.

Det blir litt innlegg frå dei ulike landa etterkvart og altså, så veit du det!

Ok, det var det, da er dokke sånn nokonlunde oppdatert!

Og du! Om du er slik som oss som elskar å reise, eller kanskje du har ferie no, og snusar på å hoppe ut av hamsterhjulet for å kunne reise på lengre turar du og, eller du har lyst å heimeundervise, ,eller rett og slett berre sei hei, sett me stor pris på å høyre frå deg! Legg igjen ein kommentar her, eller send oss ein dm på instagram @sirkusstrandos eller send oss ein mail på sirkusstrandos@gmail.com.