Kjetil syns det er SÅ kult at me har køyrt heile vegen ned hit, men sanninga er at me såg faktisk to andre norske bilar på campingen, og den eine var faktisk Førde-registrert og!

Da me var her, var det veldig heitt. Me snakkar opp i 42 grader dagtid, og 30 på natt. Når det blir slike temperaturar er det ikkje så veldig mykje anna å gjere enn å kjøle seg ned.

Me starta fyrste dagen vår i byen med å stå opp i otta, og hoppe direkte inn i ein ventande Bolt. Me hadde ein frukostdate med verdas finaste kafe, nemleg New York Cafe Budapest, the most beautiful cafe in the world. De som følg oss på instagram, veit kva eg snakkar om her, og at kafeen verkeleg lev opp til navnet sitt!

Dette var ein bucketlist for meg og jentene, og hallo kor me kosa oss, me hadde pynta oss med finare kle og åt ein skikkeleg dekadent frukost i lukseriøse omgjevnadar. Dette gløymer me ikkje med det første!

Men! Skal du ete her MÅ du vere tidleg ute. Det går kun an å bestille bord for middagsreservasjon, og det bør bestillast iallefall 2 dagar før oppmøte. Elles er det først til mølla prinssipp, og det fyllast opp fort utover dagen. Dei opnar klokka 08.00 og me var der klokka 08:30, da var det allerede mykje folk.

Ein treng vel ikkje påpeike at dette er ein dyrare plass å ete, men du betalar jo for opplevelsen. Du kan og velje å berre kjøpe kaffi, drink, eller velje nokre av dei fristande og lekre kakene dei har. Du er ikkje nødt å gå all in med full 7 rettar med drinkar. Dei har mykje godt og stort utval.

Eit anna tips verdt å merke seg før besøket er å kle deg litt finare. Du er ikkje på stranda, så kle på deg. Og, hugs å tipse musikantane. Det er levande musikk heile dagen, og det er forventa av gjestene å tipse musikarane.

Apropos tips, så blir det lagt på 15% i servicegebyr på rekninga di for besøket der, slik at du veit det.

Me kjøpte ein italiensk frukost, som er berekna for 2, og pannekaker ved sidan av. Dette var meir enn nok mat for oss 4, og me forlot kafeen gode og mette  og klare til å uforske resten av byen.

Meir om det i neste innlegg!

Stay tuned :)

‍